වෙබ් බ්‍රව්සරයක් කියන්නේ මොකක්ද කියලා ඔයාලා දන්නවා. ඔයාලා දැන් මේ පොස්ට් එක බලන්නෙත්, internet යන්නෙත් වෙබ් බ්‍රව්සරයක් හරහා. වෙබ් අතිරික්සුව කියන්නෙත් ඒකම තමා. අපි ගොඩක් අය භාවිතා කරන්නේ Google Chrome හරි Mozilla Firefox හරි වෙබ් බ්‍රව්සර්. සමහර අය නම් Internet Explorer හරි Microsoft Edge වෙබ් බ්‍රව්සරයන් භාවිතා කරනවාත් ඇති. ඒත් Google Chrome සහ Mozilla Firefox තමයි ලෝකයේ ගොඩක්ම ජනප්‍රිය. හැබැයි අපි නොදන්නා වැඩිය භාවිතයේ නැති වෙබ් බ්‍රව්සර් ඕනා තරම් තිබෙනවා. මේ කියන්න හදන්නෙත් ඒ වගේ වෙනස් බ්‍රව්සරයක් ගැනයි.
ඔයාලා අහලා ඇති Opera කියලා වෙබ් බ්‍රව්සරයක්. මේක ගොඩක්ම පාවිච්චි කරන්නේ මොබයිල් ෆෝන් වලට. ඒකට හේතුව තමයි ඒක හදලා තියෙන්නේ අඩු මතක ධාරිතාවක් භාවිතා කරලා අඩු data ප්‍රමාණයකින් internet භාවිතා කරන්න පුළුවන් වීමයි. මෙයාලා ළගදී හැදුවා ටිකක් වෙනස් අතුරු මුහුණතක්, නැත්තන් user interface එක වෙනස් , කලාත්මක විදියේ වෙබ් බ්‍රව්සරයක්. මෙය Opera Neon කියලයි හදුන්වන්නේ.
ඔයාලා දන්නවා neon කියන්නේ දිස්නයක් දෙන ආලෝක රටාවක් කියලා. Neon කියන මූලද්‍රව්‍ය, නැත්තන් neon වායුව නිසයි ඒ ආලෝකය ඇති වෙන්නේ. අන්න ඒ වගේ ආලෝකමත්, විනිවිද පෙනෙන (Transparent) විදියේ වෙබ් බ්‍රව්සරයක් තමයි මේක. ඒ කියන්නේ මෙය open කරාම අපේ desktop එක විනිවිද පේන විදියට තමයි තියෙන්නේ. ඒ වගේම අපි නිතර යන එන වෙබ් අඩවි ටික short-cut විදියට තියාගන්නත් පුළුවන්.
මෙය ඔබට අමුතුම අත්දැකීමක් ගෙනේවි. අදම download කරගෙන බලන්න. 38MB ක් වගේ ප්‍රමාණයක් වෙන නිසා පහසුවෙන් download කරගන්නත් පුළුවන්.
