SLT එක්ක අවුරුදු කමුද?

SLT එක්ක අවුරුදු කමුද? මෙන්න අවුරුදු ක්‍රීඩා එහෙම කරලම ඔයාලට කැමති තරම් ඩේටා වැඩි කරගන්න එන්න අදම SLT එකක් අවුරුදු කන්න .,.,

VISIT HERE

Read More

කප්පම් ඉල්ලන මෘදුකාංග – Ransomware

තොරතුරු තාක්ෂණයේ  දියුණුවත්  එක්ක ලෝකයේ  බොහෝ ක්ෂේත්‍ර පරිගණක සහ අන්තර්ජාලය තමන්ගේ වැඩ කටයුතු  සඳහා යොදාගන්න පුරුදු වුණා. අපේ වැඩ පහසු කරන මෘදුකාංග හදන මෘදුකාංග නිර්මාණකරුවන් වගේම අපරාධකරුවනුත් මේ තාක්ෂණික දියුණුව තමන්ගේ මඩිය තර කරගන්න යොදාගැනීම හරහා මෑතකදී  බිහිවුණු ප්‍රවණතාවක් ගැන තමයි අද ලිපියෙන් කතා කරන්නේ.

මෘදුකාංග කොහොමද කප්පම් ඉල්ලන්නේ?

කප්පම් ඉල්ලීම සඳහා භාවිතා කරන මෘදුකාංග විශේෂය හැඳින්වෙන්නේ ransomware කියලයි. බොහෝවිට මේවා නිර්මාණය වෙන්නේ තමන්ගේ හැකියාවන් අපරාධ සඳහා යොදාගන්න පුරුදු වුණ දක්ෂ  ක්‍රමලේඛණ ශිල්පීන් අතින්. ඔබේ පරිගණකය හෝ ස්මාර්ට් දුරකථනය තුළ  ransomware එකක් ස්ථාපනය වූ පසු එම මෘදුකාංගයට පුළුවන් ඔබේ දත්ත ඔබට පාවිච්චි කරන්න බැරි වෙන ආකාරයට ගුප්ත කේතනය (encrypt) කරන්න, නැතිනම් ඔබේ පරිගණකය හෝ දුරකථනය අගුළු දැමීම. ඊළඟට ඔබේ දත්ත නැවත විකේතනය (decrypt) කරන්න හෝ අන්ලොක් කරන්න  නම් ඔබ යම්කිසි මුදලක් අන්තර්ජාලය හරහා ගෙවිය යුතු බවට දැනුම්දීමක් මේ මෘදුකාංග මගින් සිදුවෙනවා.

Ransomware එකක් මගින් කප්පම් ඉල්ලා කෙරෙන දැනුම්දීමක් (www.cureyoursystem.com)

Ransomware වල ඉතිහාසය

Ransomware හිසරදයක් වෙන්න පටන්ගත්තේ 2005දී පමණ නමුත් ransomware වල ඉතිහාසය 80 දශකය දක්වා විහිදෙනවා. 1989 වසරේදී  AIDS Trojan නමින් හැඳින්වුණ ransomware එකක් පරිගණක වලට මුදාහැරුණත් පුද්ගලික පරිගණක ඒ වකවානුව තුළ ඉතා දුලබ වීම නිසා එය  එතරම් අවධානයට ලක් වුණේ නෑ. වසර 2005 පමණ වනවිට නැවත වතාවක් රුසියාව ආශ්‍රිතව මේ මෘදුකාංග දකින්න ලැබෙන්නේ යුක්රේනය, බෙලරුස් සහ කසකස්ථාන් වැනි රුසියාව ආසන්නයේ  රටවල් වල පිරිස් අපහසුතාවයට පත් කරමින්.

2010 පමණ වනවිට මේ ransomware අන්තර්ජාතිකව පරිගණක ආරක්ෂාව සම්බන්ධ තර්ජනයක් හැටියට හඳුනාගැනෙනවා. ගුප්ත කේතන උපක්‍රම භාවිතා කරන පළමු ransomware එක 2013 දී අන්තර්ජාලයට මුදාහැරෙනවා. කාලයත් සමග අද වනවිට ඉතා දියුණු තාක්ෂණික උපක්‍රම මගින් වඩාත් දරුණු ransomware නිපදවන්න වගේම සංවිධානාත්මක මාෆියාවක් විදියට මේ මෘදුකාංග බෙදාහැරින්නත් සයිබර් අපරාධකරුවන් පුරුදු වෙලා තියනවා. නවතම සංඛ්‍යාලේඛන වලට අනුව දිනකට ලොව පුරා පරිගණක 4000ක් පමණ ransomware වල ගොදුරු බවට පත්වෙනවා.

ransomwareවල සීඝ්‍ර වර්ධනය (source : symnatic )

Ransomware වල ප්‍රභේද 2ක් තියනවා

1- Locker Ransomware

මේ වර්ගයේ ransomware වලින්  කරන්නේ ඔබේ පරිගණකය අගුළු දමා නැවත ඔබේ පරිගණකයට පිවිසීමට අවසර ලබාදීම වෙනුවෙන් කප්පම් ඉල්ලන එක. මේ මගින් ඔබේ පරිගණකයේ දත්ත වලට බලපෑමක් නොකෙරෙන නිසා සාපේක්ෂව මේ වර්ගයේ ransomware වලින් සිදුවියහැකි හානිය අඩුයි.

2- Crypto Ransomware

මේ වර්ගයේ ransomware මගින් ඔබේ දත්ත ඔබට පාවිච්චි කරන්න බැරි ආකාරයට ගුප්ත කේතනය (encrypt) කරන නිසා මේ වර්ගයේ එකකින් ඔබේ දත්ත ආරක්ෂා කරගැනීමේ හැකියාවක් නැති තරම්.

ransomware වර්ග (www.symantec.com)

ගුප්ත කේතනය (Encryption) සහ Ransomware

ගුප්ත කේතනය කියන්නේ පරිගණක වල ආරක්ෂාව වැඩි කිරීම සඳහා පාවිච්චි කෙරෙන  තාක්ෂණයක්. අපි පරිගණක ජාලයක් හරහා යවන පණිවුඩ, නැතිනම් පරිගණකයක ගබඩා කරන තොරතුරු වෙනත් කෙනෙකුට කියවන්න බැරි වෙන විදියේ රහස් සංකේත බවට පත්කිරීම තමයි ගුප්ත කේතනය හරහා සිදුවෙන්නේ. මේ විදියට කේතනය කළ තොරතුරු විකේතනය කරන්න නම් ඒ සඳහා සැකසු ඩිජිටල් යතුරක් (digital key) අවශ්‍යයි. ගුප්ත කේතනය කළ තොරතුරු නැවත විකේතනය කරන්න හැකියාව තියෙන්නේ අදාළ යතුර තියන කෙනෙකුට පමණයි.

Crypto Ransomware මගින් කරන්නේ පරිගණකයේ දත්ත ගුප්ත කේතනය කර එම දත්ත විකේතනය කිරීම සඳහා අවශ්‍ය ඩිජිටල් යතුර ලබාදීම වෙනුවෙන් කප්පම් ඉල්ලීමයි. නවීන ගුප්ත කේතන ක්‍රම වලින් කේතනය කරන යතුරක් නැතිව විකේතනය කිරීම කළ නොහැක්කක් හැටියට තමයි සැලකෙන්නේ. උදාහරණක් හැටියට දැනට වෙබ් අඩවි සඳහා පාවිච්චි වෙන AES-128 නමැති ගුප්ත කේතන ක්‍රමය මගින් කේතනය කළ දත්ත යතුරක් නැතිව විකේතනය (bruteforce) කරන්න සුපිරි පරිගණකයකටත් (supercomputer) වසර බිලියන 13ක් පමණ ගතවන බව කියවෙනවා. ඒ නිසා Crypto Ransomware එකක ගොදුරක් වෙන කෙනෙකුට තමන්ගේ දත්ත අහිමි වෙන්න තියන ඉඩකඩ ඉතා ඉහළයි.

Ransomware පැතිරෙන්නේ කොහොමද?

ප්‍රධාන වශයෙන් මේවා පැතිරෙන්නේ ඊමේල් සමඟ එන ඇමුණුම් (attachments) හෝ ලින්ක් හරහා යි. ඔබට නාඳුනන කෙනෙකුගෙන් එන ඊමේල් එකක් සමග තියන ගොනුවක් ඔබ විවෘත කිරීමේදී ඔබේ පරිගණකයට ransomware ඇතුළු වෙන්න ඉඩ තියනවා. ඒ වගේම ඔබ සැරිසරන වෙබ් අඩවි වලත් ransomware තියෙන්න පුළුවන්. ඒ නිසා  ඔබ නිතර පාවිච්චි නොකරන වෙබ් අඩවි වලින් ඩවුන්ලෝඩ් කරන දේවල් ගැන සැලකිලිමත් ඉතා වැදගත්.

ජංගම දුරකථන සඳහා ransomware

වසර 2014 දී ඇන්ඩ්‍රොයිඩ් මෙහෙයුම් පද්ධතිය සඳහා පළමු ransomware එක වාර්තා වීමත්  පරිගණක වලට සීමා නොවී ජංගම දුරකථන වලටත් පැතිරෙන්න ransomware සමත් වෙලා තියනවා. දුරකථන සඳහා වන ransomware බොහොමයක් තියෙන්නේ නිල නොවන app store වල. ඒ වගේම සමහර ransomware ප්‍රති වයිරස මෘදුකාංග විදියට වෙස් මාරු කරගෙන ඉන්න අවස්ථාත් පසුගිය දෙවසර තුල වාර්තා වෙලා තියනවා.

ජංගම දුරකථන වලට එන කප්පම් ඉල්ලීම් (www.welivesecurity.com)

Ransomware වල බලපෑම

Ransomware වලින් වෙන්න පුළුවන් ලොකුම හානිය තමයි තමන්ගේ දත්ත අහිමි වීම. ඔබ වසර ගණනක් තිස්සේ එකතු කරගත් ඡායාරුප, නැතිනම් තමන්ගේ රැකියාවට අදාළ තොරතුරු ගොනු වගේ දේවල් ransomware නිසා ඔබට නැතිවෙන්න පුළුවන්. තනි පුද්ගලයෙකුට නම් සමහරවිට මෙහෙම දෙයක් දරාගන්න පුළුවන් නමුත් ආයතනයක කටයුතු වලට යොදාගන්නා පරිගණකයකට  මේ ඇබැද්දිය සිද්ධ වුනොත් ආයතනයට  විශාල පාඩුවක් වගේම අදාළ සේවකයාගේ කීර්තිනාමයටත් හානි සිදුවෙන්න පුළුවන්. මේ වගේ  සිදුවීම් කිහිපයක් පසුගිය වසරේ අපේ රටෙනුත් වාර්තා වෙලා තියනවා.

ඊළඟ කාරණය තමයි ransomware එක මගින් ඔබේ දත්ත සොරාගෙන තියෙන්න ඇති හැකියාව. ඔබේ පරිගණකයේ ඔබට හොරෙන් වැඩ කරන මෘදුකාංගයකට ඔබේ තොරතුරු ගොනු, ඔබ ටයිප් කරන පාස්වර්ඩ් වැනි දේවල් සොරාගෙන වෙනත් කෙනෙකුට යවන්නත්  පුළුවන්.

Ransomware එකකට අහුවුණොත් මොකද කරන්නේ?

1- හැකි ඉක්මණින් පරිගණක ජාල වලින් ඉවත් වෙන්න

ඔබේ පරිගණකය දැනටමත් ransomware එකකට අහුවෙලා නම්, ඔබේ පරිගණක ජාලයේ වෙනත් පරිගණකයකට ransomware එක ඇතුලත් කරන්න එයට හැකියාව තියෙන්න පුළුවන්. ඒ නිසා හැකි ඉක්මනින් අන්තර්ජාලය, WiFi, LAN හෝ වෙනත් ජාලගත සබඳතා වහාම නවත්වන්න.

2- පොලිසියට කියන්න

මේකෙන් ඔබේ දත්ත නැවත ලබාගන්න තියන හැකියාව අඩු ඉතා නමුත් ඔබේ පරිගණකයේ ආයතනික දත්ත වගේ දේවල් තියන අවස්ථාවකදී පොලිස් තොරතුරු තාක්ෂණ අංශයට දැනුම්දීම ඉදිරි කටයුතු වලට පහසුවක් වේවි. ඒ වගේම ආසාදනයට ලක්වුණු පරිගණකය ඔබේ සේවා ස්ථානයේ එකක් නම වහාම ඔබේ සේවා ස්ථානයේ තොරතුරු තාක්ෂණ අංශයට දැනුම් දෙන්න.

3- Ransomware එක අයින් කරගන්න බලන්න

ඔබේ පරිගණකයට අරක්ගත්ත ransomware එක ගුප්ත කේතන පාවිච්චි නොකරන එකක් නම් ඔබේ දත්ත ටික බේරගන්න හැකියාව තියෙන්න පුළුවන්. ඒ සඳහා පළමුවෙන් ඔබට ransomware එකේ නම හොයාගන්න පුළුවන් නම් වෙනත් පරිගණකයකින් අන්තර්ජාලයේ පොඩ්ඩක් හොයලා බලන්න. ඒ ransomware එකට අදාළ විකේතන මෘදුකාංගයක් තියෙන්න පුළුවන්. එහෙම හොයාගන්න නැතිනම් ඔබේ මෙහෙයුම් පද්ධතියේ තියන Safe Mode වැනි පහසුකමක් මගින් හෝ මෙහෙයුම් පද්ධතිය නැවත ස්ථාපනය කිරීම මගින් ransomware එක ඉවත් කරන්න උත්සාහ කරන්න.

4- Backup එකක් restore කරන්න

ඔබ කලින් ගත්තු backup එකක් ඔබ සතුව තියනවනම් ඒක නැවත ස්ථාපනය කරගන්න. ලඟදි කරපු වැඩ ටික ඔබට අහිමි වුණත් වෙලාවේ හැටියට හොඳම විසඳුම තමයි මේක.

5- ගෙවන්න පෙර  සිතා බලන්න

කරන්න වෙන දෙයක් නැතිම වෙලාවක ඉතුරු වෙන එකම විසඳුම තමයි කප්පම ගෙවන එක. නමුත් මේක එතරම් නුවණට හුරු වැඩක් නෙවෙයි. එහෙම කියන්න හේතු කිහිපයක් තියනවා. කප්පම් ගෙවූ පසුවත් ඔවුන් ඔබේ දත්ත නිදහස් නොකරන්න ඉඩ තියනවා. ඒ වගේම ඔබේ දත්ත ලැබුණු පසුවත් ransomware එක ඔබේ පරිගණකයේ ඉතිරි වෙලා තියනවානම් ඔබ තවමත් අනතුරින් ගැලවී නැහැ. තවත් කාරණයක් තමයි ඔබ කප්පම් ගෙවීමෙන් සිදුවෙන්නේ කප්පම්කරුවන් දිරිමත් කිරීමක්. ඒ නිසා කප්පම් නොගෙවා සිටීමට හැකි සෑම උත්සාහයක්ම ගැනීම ඉතා වැදගත්.

Ransomware වලින් බේරෙන්නේ කොහොමද?

ප්‍රති-වයිරස මෘදුකාංග වලට ransomware හඳුනාගන්න තියන හැකියාව තරමක් අඩු නිසා ඒ  පිළිබඳව අපි සැලකිලිමත් වීම අත්‍යවශ්‍යයි. පරිගණක සම්බන්ධ මේ වගේ පුරුදු ටිකක් ඔබේ ජීවිතයට එකතු කරගැනීම ransomware වගේම තවත් බොහෝ අවදානම් තත්ත්ව වලින් ගැලවීමට උදව් වේවි.

1. පරිගණකය / දුරකථනය නිතර backup කරන්න.
2. වටිනා ඡායාරූප, ලිපිගොනු ආදිය Google Drive හෝ DropBox වැනි සේවාවක් තුළ තබන්න.
3. මෘදුකාංග සහ මෙහෙයුම් පද්ධතිය යාවත්කාලීන කරන්න.
4. ප්‍රති-වයිරස මෘදුකාංගයක් පාවිච්චි කරන්න.
5. ඔබ ඩවුන්ලෝඩ් කරන ගොනු අදාළ ප්‍රවර්ගයේමද (file type) යන්න විවෘත කිරීමට පෙර පරීක්ෂා කරන්න. උදාහරණයක් හැටියට ගීතයක mp3 ගොනුවක් වෙනුවට exe හෝ apk ගොනුවක් ඩවුන්ලෝඩ් වුණොත් නිසැකවම එය හානිකර හෝ ඔබට අනවශ්‍ය ගොනුවක්.
6. නොදන්නා වෙබ් අඩවි වලින් ජංගම දුරකථන යෙදුම් (mobile apps) ඩවුන්ලෝඩ් කිරීමෙන් වළකින්න.
7. Spam හෝ සැක සහිත ඊමේල් පණිවුඩවල අඩංගු ලින්ක් ක්ලික් කිරීමෙන් වලකින්න.
8. Ad-blocker මෘදුකාංගයක් පාවිච්චි කරන්න.

අවසාන වශයෙන් තොරතුරු තාක්ෂණ ක්ෂේත්‍රයේ නියැලෙන අයට පමණක් සීමා නොවී පරිගණකයක් හෝ ස්මාර්ට් උපකරණයක් පාවිච්චි කරන සහ අන්තර්ජාලය භාවිතා කරන සියළු දෙනාම පරිගණක ආරක්ෂාව ගැන යම් දැනුමක් ලබා සිටීම තමන්ගේ ආරක්ෂාවටත්, පුද්ගලිකත්වය ආරක්ෂා කරගැනීමටත් විශාල පිටුවහලක් වෙයි. ඒ නිසා මේ දේවල් ඔබේ යහළුවන් එක්කත් බෙදාහදා ගන්නත් අමතක කරන්න එපා.

මුලාශ්‍ර: Heimdal Security, ESET Security, Business Insider

කවරයේ පින්තූරය: stinntech.com

Sources:- roar.tech

Read More

අපේ රටේ පරිගණක මෙහෙයුම් පද්ධති Sri Lankan OS

පරිගණක යන්ත්‍රයකින් ප්‍රයෝජනයක් ගන්න නම් එයට මෙහෙයුම් පද්ධතියක් ස්ථාපනය කර තිබීම අත්‍යාවශ්‍යයයි. වින්ඩෝස්, ඇපල්, ලිනක්ස්, යුනික්ස් මේ පරිගනක මෙහෙයුම් පද්ධති වලට උදාහරණ. මේ මෙහෙයුම් පද්ධති බොහොමයක් බටහිර රටවල නිර්මාණ. මේ අතරින් අපිට වඩාත්ම හුරුපුරුදු “වින්ඩෝස්” මෙහෙයුම් පද්ධතිය. මයික්‍රොසොෆ්ට් සමාගමේ ප්‍රධානී බිල් ගේට්ස් මහත්මයට ලොව ධනවත්ම පුද්ගලයා වීමේ වාසනාව ගෙනාවෙත් මේ “වින්ඩෝස්” මෙහෙයුම් පද්ධති. ඒවගේම ස්ටීව් ජොබ් මහත්මයාගෙ ඇපල් සමාගමේ “ඇපල්” පරිගණක මෙහෙයුම් පද්ධතියත් ඉතා ජනප්‍රිය මෙහෙයුම් පද්ධතියක්. නමුත් මේ අකාරයේ මෙහෙයුම් පද්ධතියක් අපිට ලබා ගන්න වෙන්නෙ මුදල් ගෙවලා. අපි මිලදී ගත්තත් අපිට ඒවයේ කේත පද්ධතිය (source code) විවෘත නැති නිසා වෙනස් කරලා අපිට අවශ්‍ය පරිදි වෙනස් කරගන්න අවස්ථාවක් නෑ. එහෙම වෙනස් කිරීමත් නීති විරෝධී ක්‍රියාවක්. 

ලොව තවත් ජනප්‍රිය පරිගණක මෙහෙයුම් පද්ධතියක් වෙන්නෙ “ ලිනක්ස්” මෙහෙයුම් පද්ධති. මේ මෙහයුම් පද්ධති වල කේත සටහන (source code) විවෘත (open source) නිසා අපට අවශ්‍ය පරිදි වෙනස් කරලා නව මෙහෙයුම් පද්ධති සකස් කරගන්න හැකියාව තියෙනවා. මේ නිසා විවිධ පුද්ගලයන්, විවිධ සමාගම් විවිධ අවශ්‍යතාවයන් වෙනුවෙන් මූලික ලිනක්ස් කර්නලය සංස්කරණය කරමින් තැනූ මෙහෙයුම් පද්ධති (Linux Distribution) රාශ්‍රියක්ම දකින්න පුළුවන්. උබුන්ටු,ෆෙඩෝරා, රෙඩ්හැට් , මේ ආකාරයේ ලිනකස් මෙහෙයුම් පද්ධති. ඇතැම් ලිනක්ස් මෙහෙයුම් පද්ධති මිලදී ගන්න අවශය උනත් බොහොමයක් ලිනක්ස් මෙහෙයුම් පද්ධති නොමිලයේම ලබාගෙන භාවිතා කරන්න අවස්ථාව තියෙනවා.

කුමන ආකාරයක උනත් මේ හැම මෙහෙයුම් පද්ධතියක්ම වගේ බටහිර රටවල නිර්මාණ. ඇතැම් විට ඔබ විශ්වාස නොකලත් අපේ රට තුලත් අපේ රටට ගැලපෙන පරිගණක මෙහෙයුම් පද්ධති කිහිපයක්ම නිර්මාණය කරලා තියෙනවා. නමුත් මෙහිදි සිදු කරලා තියෙන්නෙ සම්පූර්ණයෙන්ම කේත පද්ධතියක් ලියලා අළුතෙන්ම පරිගණක මෙහෙයුම් පද්ධතියක්ම සකස් කිරීම නම් නොවෙයි. ලිනක්ස් මෙහෙයුම් පද්ධති වල කේත සටහන (source code) වෙනස් කිරීම මගින් අපේ රටේ භාවිතයට ගැලපෙන නව මෙහෙයුම් පද්ධතියක් සකස් කිරීම. ඒ නිසා මේ මෙහෙයුම් පද්ධතිත් Ubuntu, Fedora, Red hat වැනිම ලිනක්ස් මෙහෙයුම් පද්ධතියක් (Linux Distribution) විදියට හඳුන් වන්න පුළුවන් .

ලක්බිම ඉරිදා සංග්‍රහය 2016.10.30

සිලෝන් ලිනක්ස් මෙහෙයුම් පද්ධතිය / Cylon Linux Operating System

මේ මෙහෙයුම් පද්ධතිය උබුන්ටු පාදක කරගත් මෙහෙයුම් පද්ධතියක්. ඉතා පහසුවෙන් සාමාන්‍ය එදිනෙදා කටයුතු වලට භාවිතා කල හැකි මේ මෙහෙයුම් පද්ධතිය මෙම වෙබ් අඩවියෙන් බාගත කරගෙන (Download) අත්හදා බලන්න පුළුවන්.

ලංකා නෙට් ලිනක්ස් මෙහෙයුම් පද්ධතිය / LankaNet Linux Operating System

මෙයත් උබුන්ටු ලිනක්ස් ආශ්‍රයෙන් ලංකාවට ගැලපෙන ලෙස සකස් කරන ලද මෙහෙයුම් පද්ධතියක්. මෙහි සිංහල යුනිකේත අකුරු සහ සිංහල යතුරු ලියනය කිරීමේ පහසුව වැනි පහසු කම් දකින්න පුළුවන්. මේ මෙහෙයුම් පද්ධතිය මෙම වෙබ් අඩවිය මගින් බාගත කර අත්හදා බැලීමේ හැකියාව තියෙනවා.

සහළාන ලිනක්ස් මෙහෙයුම් පද්ධතිය / Sahalana Linux Operating System

ලොව වැඩියෙන්ම භාවිතා වන ලිනක්ස් මෙහෙයුම් පද්ධතිය වන “උබුන්ටු” මෙහෙයුම් පද්ධතියට ඒ නම ලබා දීලා තියෙන්නෙ මනුස්සකම කියන අරුතින්. දකුණු අප්‍රිකානු වචනයක් වන “උබුන්ටු” යන්නෙන් “ ලෝකයාට දිගුවූ මනුෂ්‍යත්වයේ දෑත්” වැනි අරුතක් දනවනවා. ලොව ජනප්‍රියම ලිනක්ස් මෙහෙයුම් පද්ධතිය වන උබුන්ටු මනුෂ්‍යත්වය වෙනුවෙන් ලොව පුරා නොමිලයේ බෙදා හැරීම සිදු කරනවා. මේ උබුන්ටු මෙහෙයුම් පද්ධතිය මෙරටට ගැලපෙන පරිදි සකස් කර එය “සහළාන ලිනක්ස්” ලෙස නම් කරලා තියෙනවා.

“සහළා” යනුවෙන් යෙදී ඇත්තේ සහෘදත්වය, හිතවත්කම, මිත්‍රත්වය ඇති අයෙක් හැඳින්වීම සඳහාය. “සහ” යන්නෙන් “සමාන” යන්නද “ළ” යන්නේ “ළය - හදවත” යන්නද අර්ථ ගැන්වේ. එවිට “සහළ” යනු “සමාන හදවත් ඇති” යන්නයි. “මනුස්සකම” තිබෙන්නා සෑම විටම අනෙකාගේ හදවතට දැනෙන දේ ගැන සිතයි. “ඔබ වෙනුවෙන් මම සහ අපි” යනුවෙන් සිතයි. “උබුන්ටු” යනු ද එයමය. “ආන” යනු ගෞරවාර්ථ ආමන්ත්‍රනයකි. එබැවින් “සහළාන” යනු “මනුස්සකම ඇත්තාට” ගෞරවයෙන් කරන්නා වූ ආමන්ත්‍රනයකි. මේ අනුව ලක් උබුන්ටු මෙහෙයුම් පද්ධතිය “සහළාන ලිනක්ස්” නම් වේ. මෙහි උද්යෝග පාඨය “සහලේ සියදෑ සිවිමංසල” යන්නය. “සහලේ” යන්නෙන් සමාන ලේ; “සියදෑ” යන්නෙන් තම දේශය යන්නත් “සිව්මංසල” යන්නෙන් සතර දෙසින් එන්නා වූ හෙවත්, සියලු දෙනා යන්නත් මෙයින් අර්ථවත් වේ. ඒ අනුව සැමට භාවිතය පිණිස සැකසු මේ මෙහෙයුම් පද්ධතිය මෙම වෙබ් අඩවියෙන් බාගත කර අත්හදා බැලීමට හැකියාව තියෙනවා. 

හන්තාන ලිනක්ස් මෙහෙයුම් පද්ධතිය / Hanthana Linux Operating System

මෙරටදී සකස්කල මෙහෙයුම් පද්ධති අතරන් වඩාත් ජනප්‍රිය වූ මෙහෙයුම් පද්ධතිය වෙන්නෙ හන්තාන ලිනක්ස් මෙහෙයුම් පද්ධතිය.මේ මෙහෙයුම් පද්ධතිය ෆෙඩෝරා (ෆෙඩෝරා යනු උබුන්ටු වැනි තවත් ලිනක්ස් මෙහෙයුම් පද්ධතියකි) පාදක කරගත් මෙහෙයුම් පද්ධතියක්. මෘදුකාංග දේශීයකරණය වැඩසටහන වඩාත් සාර්තක වෙන්න හේතු වුනේ මේ මෙහෙයුම් පද්ධතිය නිසා. අදටත් වැඩිම පිරිසක් භාවිතා කරන මේ මෙහෙයුම් පද්ධතිය මෙම වෙබ් අඩවියෙන් බාගත කරගන්න පුළුවන්.

ඉසුරු ලිනක්ස් මෙහෙයුම් පද්ධතිය / Isuru Linux Operating System

උබුන්ටු පාදක කරගත් මෙහෙයුම් පද්ධතියක් වන මේ මෙහෙයුම් පද්ධතිය අධ්‍යාපන අමාත්‍යාංශයෙ තොරතුරු හා සන්නිවේදන තාක්ෂණ ශාකාව මගින් සංවර්ධනය කරන මෙහෙයුම් පද්ධතියක්. පාසල්වල පරිගණක සඳහා මෙහෙයුම් පද්ධතියක් ලෙස සකස්කරන ඉසුරු ලිනක්ස් සමග අධ්‍යාපන කටයුතු වෙනුවෙන් අවශ්‍ය සියළු මෘදුකාංග අන්තර් ගත කරලා තියෙනවා. මේ මෙහෙයුම් පද්ධතිය මෙම වෙබ් අඩවියෙන් බාගත කරගන්න පුළුවන්.

මේ අපේ රටේ පරිගණක මෙහෙයුම් පද්ධති හදන්න ගත්ත උත්සාහය පිලිබඳව ජන මාධ්‍ය මගින් කතා කරන පළමුවෙනි අවස්ථාව. මෙයින් උත්සාහ කලේ අපේ රට වෙනුවෙන් නොමිලයේ නිදහසේ භාවිතා කරන්න පුළුවන් මෙහෙයුම් පද්ධතියක් හදන්න උත්සාහ දරපු අය අගය කරන ගමන් ඒ පිළිබඳව රට දැනුවත් කරන එක. එය ඉදිරි ගමනකට යෝධ පිම්මක් වේවි. 

ඇතැම් කරුනු Tharaka-Lankanet බ්ලොග් අඩවියෙන් ලබා ගන්නා ලදි.

Read More

Java Is The Most Popular Programming Language

            Programming languages like Java, C, and C++ have stood the test of time and remained widely popular among the programmers. The recent ranking of programming languages shows the same trend.  Newer players like Google’s Go and Apple’s Swift too are rising in the popularity.

Top 20 programming languages

Oct 2016	Oct 2015	Change	Programming Language	Ratings	Change
1	1		Java	18.799%	-0.74%
2	2		C	9.835%	-6.35%
3	3		C++	5.797%	+0.05%
4	4		C#	4.367%	-0.46%
5	5		Python	3.775%	-0.74%
6	8		JavaScript	2.751%	+0.46%
7	6		PHP	2.741%	+0.18%
8	7		Visual Basic .NET	2.660%	+0.20%
9	9		Perl	2.495%	+0.25%
10	14		Objective-C	2.263%	+0.84%
11	12		Assembly language	2.232%	+0.66%
12	15		Swift	2.004%	+0.73%
13	10		Ruby	2.001%	+0.18%
14	13		Visual Basic	1.987%	+0.47%
15	11		Delphi/Object Pascal	1.875%	+0.24%
16	65		Go	1.809%	+1.67%
17	32		Groovy	1.769%	+1.19%
18	20		R	1.741%	+0.75%
19	17		MATLAB	1.619%	+0.46%
20	18		PL/SQL	1.531%	+0.46%

Read More

Quirky Things You Didn’t Know The Linux Terminal Could Do - Terminal ආතල් ටිකක් පට්ට හොඳේ ...

හායි යාලුවනේ ඔන්න මම අද ආවේ ලිනක්ස් එකේ ටර්මිනල් එකේ දාන්න පුළුවන් පොඩි වැඩ කෑලි ටිකක් ගැන හොයාගෙන ඔයාලත් කරලා බලන්නකෝ එහෙනම්.

1) Running infinite loop in terminal:

no installation required, just type:

Yes <whatever> and press enter:

2) Running a steam locomotive in the terminal:

first install it using

sudo apt-get update

sudo apt-get install sl

then type sl and press enter 

3) We begin with one of the most eye-catching trick of the list, the asciiviewer. With this tool, you can convert and generate an image out of pure text.

For Installation type: sudo apt-get install aview

To Run Command type:  asciiview name_of_file -driver curses

4) Aafire

Ideally, I wouldn’t recommend you to sit back and watch as your screen burns but how about watching fire inside your Linux Terminal? Seems absurd? Well, wait till you use the aafire command.

For Installation type: sudo apt-get install libaa-bin

To Run Command Type: aafire

5) bb

Put on your headphones and brace yourselves for an entirely text based animation that I am sure will leave you awestruck with your jaws hanging.

For Installation type: sudo apt-get install bb

To Run Command type: bb

6) Cal

Use this command to view the calendar inside the Linux terminal. Check out the man page of the cal command (by using the command: man cal) to know about the other options available to customize the output of the command.

To Run Command Type: cal

7) Cmatrix

Remember the ground-breaking sci-fi movie ‘The Matrix’? Ever wished to waltz through the Matrix itself? Well, if so, then the cmatrix is definitely ‘The One’ you are looking for:

For Installation Type:  sudo apt-get install cmatrix

To Run Command Type: cmatrix

8) Cowsay

Get an ASCII cow in the terminal that says whatever you want it to say.

For Installation Type: sudo apt-get install cowsay

To Run Type: cowsay “Message_That_You_Wish”

9) The cowsay command can be implemented in the following ways as well:

The cowsay command can also be used with following by just replacing the -f parameter with any of the following:

10) Xcowsay

Inspired by the original cowsay, the xcowsay does the same things as cowsay but in a graphical manner.

For Installation Type: sudo apt-get install xcowsay

To Run Type: xcowsay “Desired_Text”

Read More